Коалиција на младински организации СЕГА објавува јавен повик за избор на правно или физичко лице за развој на дигитална платформа во рамки на проектот „Младински дигитални претприемнички иницијативи“ (Digital Youth Ventures – Innovating Communities).
Платформата ќе претставува регионален дигитален хаб за промоција на стартап идеи развиени од млади луѓе, со цел нивно поврзување со потенцијални инвеститори, бизнис ангели и други поддржувачи на претприемништвото.
Избраниот понудувач ќе биде задолжен за дизајн, развој, тестирање и имплементација на веб-платформа која ќе овозможува:
- регистрација на корисници и инвеститори;
- објавување и управување со стартап идеи;
- прикачување документи и видео содржини;
- директна комуникација помеѓу претприемачи и инвеститори;
- споделување на идеи на социјални мрежи;
- автоматски нотификации преку електронска пошта;
- промоција на избрани идеи преку посебен простор на почетната страница.
На повикот можат да се пријават правни и физички лица. При изборот ќе се оценуваат финансиската понуда (60 бодови) и предлог-концептот и методологијата за развој (40 бодови).
Вкупниот расположлив буџет за реализација на задачата изнесува 750 евра (бруто). Се охрабрува користење на open-source технологии и постоечки платформи со цел оптимизација на трошоците и времето за развој.
Понудите треба да се достават по електронски пат на: This email address is being protected from spambots. You need JavaScript enabled to view it., со назнака „Пријава за развој на Дигитална платформа“. Крајниот рок за доставување на понудите е 17 август 2026 година до 12:00 часот.
Целосниот јавен повик и техничките спецификации се достапни во прилог на оваа објава.
Само избраните понудувачи ќе бидат контактирани.
СЕГА го објавува јавниот повик во рамки на проектот „Digital Youth Ventures - Innovating Communities“, поддржан од Програмата BOOST Balkans имплементирана од ALDA - European Association for Local Democracy со финансиска поддршка од AFD - Agence Française de Développement], а во Македонија координирана од ALDA Balkans
ПРИЛОГ: